03.04.2019
Тыва Республиканың Дээди Хуралының (парламентизиниң) Энергетика, тудуг, транспорт болгаш чуртталга-коммунал ажыл-агыйының талазы-биле комитединиң даргазы Алдын-кыс Темир-ооловна Конгар эрткен неделяда Ак-Довурак хоорайга чадаг-тергелиг эки турачы дружинниктер-биле ужуражылганы кылган.
Карангылай берген үеде чадаг-тергелиг хайгыыл кылырга, эптиг талалары база бар дээрзин олар депутатка дыңнатканнар. Чычаанныг хайгыыл кылып турда, назы четпээн аныяктарывыс автомашинаны ыраандан-на билип кааш, чаштына бээрлер. А кажан чадаг-тергелиг хайгыыл кылырга, кежээки караңгы үелерде назы четпээннер хөйү-биле таваржыр бооп турар. Шак ол ышкаш бүдүү арага садып турар черлерге кээрге, база эскербейн баар болган.