Найди своих депутатов

ИЛ ТҮМЭН ДЕПУТАТА ВИКТОР ЛЕБЕДЕВ ТОМПО ОЛОХТООХТОРУН КЫТТА КѲРҮСТЭ

Вернуться

Томпо оройуонугар 32-с №-дээх Томпо -- Таатта быыбардыыр уокуругуттан Ил Түмэн депутата Виктор Николаевич Лебедев олохтоохтору кытта кѳрүстэ. Кини улуус дьоно-сэргэтэ уйгулаах олохтоох буоларын туһугар туруорсуулара барыларын үөрдэр.

Депутат Виктор Лебедев нэһилиэнньэни кытта кѳрсүүһүтүн сүрүн сыала-соруга - олохтоох дьон тыа сиригэр тирээн турар кыһалҕаларын истии. Ону тэӊэ Ил Түмэн үлэтин билиһиннэрии, саӊа ананыылары сырдатыы.

Виктор Лебедев туох баар хайысханан томполору күүскэ ѳйүүр. Хас да сыл устата Теплай Ключ нэһилиэгин олохтоохторо туруорсубут сүрүн кыһалҕаларын толорон, саҥа хочуоллары аҕалан туруортарда. Ааспыт сылга аҕыйах ахсааннаах нэһилиэнньэлээх Охотскай Перевоз оскуолатыгар УАЗ массыына бэлэхтээбитэ. Хаандыгатааҕы «Светлячок» оҕону реабилитациялыыр киин иитиллээччилэригэр минньигэс бэлэҕинэн кѳмѳлѳһѳр. Биирдиилээн кыһалҕалаах дьон кѳрдѳһүүтүгэр харса суох илиитин утары уунарр, спортсменнар күрэхтэһиилэргэ кыттан кэлиилэригэр айаннарын ороскуотун уйунар.

Аҕыйах кэм иһигэр депутат быһыытынан оройуон салалтатын кытта тэӊӊэ үлэлээннэр, сүрүн боппуруостарга Саха Сирин бырабыыталыстыбатыгар тиийэ туруорсаннар, олох хаачыстыбата тупсарыгар үтүө түмүктэри номнуо кѳрдүбүт. Виктор Лебедев түмсүүлээх улэ иһин махтал тылларын эттэ, инникитин да тѳрѳѳбүт сирбит-уоппут туһугар болҕомтобутун сытыытык ууран сомоҕолоһон улэлиэхпит диэн эрэнэрин биллэрдэ.

Ил Түмэн депутатын кытта Томпо оройуонун баһылыга Яков Иннокентьевич Степанов, оройуоннааҕы депутаттар Сэбиэттэрин бэрэссэдээтэлэ Илья Семенович Шадрин, ОДьКХ салайааччыта Мухутдин Узурбаевич Якупов, тыа хаһаайыстыбатын управлениетын салайааччыта Дмитрий Будимирович Ефимов уонна Виктор Лебедев Томпо оройуонугар эппиэттээх киһитэ Петр Викторович Новгородов сырыттылар.